L’immersion primieirenca, fondament del bilingüisme
A Calandreta, l’occitan es plan mai qu’una lenga ensenhada : es la lenga de vida, la lenga per dire, per comprene, per créisser. Tre los primièrs passes a l’escòla, l’enfant cabussa dins un banh lingüistic 100 % occitan.
Perque l’immersion, inspirada de las òbras del lingüista Jòan Petit, es lo biais mai natural d’aprene una lenga : en vivent amb ela, tot simplament.
E es tot levat improvisat : dempuèi mai de 40 ans, APRENE, l’establiment superior de las Calandretas, bastís una pedagogia vertadièra de l’immersion, en ligam estreit amb las recèrcas de l’ISLRF.
S’ i desvolopa d’estrategias especificas talas coma :
- l’exposicion intensiva a la lenga,
- una gestion benvolenta de l’error,
- de palancas amb lo francés,
- una atencion màger a la qualitat lingüistica dins e fòra de la classa.
Resultat ?
Nòstres escolans aprenon a pensar en occitan, a bastir lor pensada en parlant, a s’apropriar la lenga al quotidian. L’occitan ven atal lor primièra lenga escolara.
Causir l’immersion en occitan, es ofrir a son mainatge l’escasença de descobrir una lenga e una cultura ricas, prigondament enrasigadas aicí, e totjorn vivas. Es obrir una pòrta cap a d’autras lengas, d’autres biaisses de pensar, dins un monde en moviment.
Una question que se pausan de còps los parents novèls : E se mon mainatge compren pas, serà perdut ?
L’immersion es progressiva, doça e benvolenta : se parla amb lo còs, los gèstes, las cançons, los agaches. Coma per una lenga mairala, los mainatges comprenon pel viscut. Pas besonh de traduccions : s’immergisson naturalament, en vivent la lenga al quotidian.
Luènh d’èsser un obstacle, l’immersion es una fòrça : desvolopa l’escota, l’atencion, la fisança… e dobrís lo mainatge a d’autras lengas e culturas tre la mai jove edat.
L’immersion précoce, fondement du bilinguisme
Chez Calandreta, l’occitan est bien plus qu’une langue enseignée : c’est la langue de vie, la langue pour dire, pour comprendre, pour grandir. Dès les premiers pas à l’école, l’enfant est plongé dans un bain linguistique 100 % occitan.
Parce que l’immersion, inspirée des travaux du linguiste Jean Petit, est la manière la plus naturelle d’apprendre une langue : en vivant avec, tout simplement.
Et c’est tout sauf improvisé : depuis plus de 40 ans, APRENE, l’établissement supérieur des Calandretas, construit une véritable pédagogie de l’immersion, en lien étroit avec les recherches de l’ISLRF. On y développe des stratégies spécifiques comme :
- l’exposition intensive à la langue,
- une gestion bienveillante de l’erreur,
- des passerelles (palancas) avec le français,
- une grande attention à la qualité linguistique dans et hors de la classe.
Résultat ? Nos élèves apprennent à penser en occitan, à construire leur pensée en parlant, à s’approprier la langue au quotidien. L’occitan devient ainsi leur première langue scolaire.
Choisir l’immersion en occitan, c’est offrir à son enfant l’occasion de découvrir une langue et une culture riches, profondément enracinées ici, et toujours vivantes. C’est ouvrir une porte vers d’autres langues, d’autres façons de penser, dans un monde en mouvement.
Une question que se posent parfois les nouveaux parents : Et si mon enfant ne comprend pas, va t-il être perdu ?
L’immersion est progressive, douce et bienveillante : on parle avec le corps, les gestes, les chansons, les regards. Comme pour une langue maternelle, les enfants comprennent par le vécu. Pas besoin de traductions : ils s’immergent naturellement, en vivant la langue au quotidien.
Loin d’être un obstacle, l’immersion est une force : elle développe l’écoute, l’attention, la confiance… et ouvre l’enfant à d’autres langues et cultures dès le plus jeune âge.